Россияҕа педагог уонна наставник сыла

            Саха сиригэр Үлэ сыла

  Варвара Николаевна 1936 сыллаахха тохсунньу 16 күнүгэр Уус-Амма нэһилиэгэр төрөөбүтэ. Бу нэһилиэккэ оскуола суоҕунан Чычымах оскуолатыгар үөрэнэ киирбитэ. Орто оскуоланы Ытык Күөлгэ бүтэрбитэ. Оскуолаҕа үөрэнэр сылларыттан общественнай үлэ үөһүгэр сылдьыбыта. 1956 сыллаахха “Орто оскуола – производство – үрдүк үөрэх” диэн хамсааһын саҕаламмыта. Комсомолка Варвара Чекурова ити бачыымы бастакынан өйөөн үөлээннээхтэрин кытта “Труд” колхоз производствотыгар үлэлии тахсыбыта. Ньирэй көрбүтэ, ыанньыксыттаабыта, ферма старшайынан анаабыттара. Нэһилиэк киэн туттар ыччатынан биллибитэ. Үлэтигэр да сирдэрбэтэҕэ. Активнай позициялаах комсомолканы “Коммунизм” совхоз комсомольскай тэрилтэтин босхоломмут секретарынан быыбардаан үлэлэппиттэрэ.

      1959 сыллаахха сайын Уус-Амма сельскэй библиотекатыгар үлэлии киирбитэ. Онно үлэлии сылдьан библиотекарь буоларга дьулуһан 1965 сыллаахха Илин Сибиирдээҕи Культура институтугар үөрэнэ киирбитэ.1969 сыллаахха үөрэҕин бүтэрбитэ, үрдүк үөрэхтээх библиотекарь буолбута. Таатта оройуонугар миэстэ суоҕунан Верхоянскайдааҕы оройуоннай библиотекаҕа үлэҕэ анаммыта. Онтон дойдутугар төннөн кэлэн, 1973 сылтан 1986 сылга диэри оройуоннааҕы библиотекаҕа сэбиэдиссэйдээбитэ. Икки сыл культура салаатын салайа сылдьыбыта.

      Варвара Николаевна үлэлээбит сылларыгар библиотекалары кииннээһин, библиотечнай-библиографическай классификация ыытыллыбыта. Оройуоннай библиотека республикаҕа бастыҥнар ахсааннарыгар сылдьыбыта.

   Варвара Николаевна олоххо активнай позициялааҕа. Дьахталлар оройуоннааҕы сэбиэттэрин уонча сыл салайбыта. Герой Ийэлэр слеттарын, дьахталлар конференцияларын о.д.а мероприятиелары ыытара. Культура профсоюһун оройуоннааҕы комитетын председателинэн уһуннук үтүө суобастаахтык үлэлээбитэ. Дириҥ билиилээх-көрүүлээх пропагандист этэ. Комсомол обкомун, партия райкомун чилиэнинэн быыбардана сылдьыбыта. Киһи да, үлэһит да быһыытынан бар дьон ытыктабылын ылара.

   Варвара Николаевна — киэҥ билиилээх, ирдэбиллээх, баай опыттаах салайааччы, наставник, Таатта улууһугар библиотечнай ситим сайдыытыгар, улууска культура үлэһиттэрин иитэн-үөрэтэн таһаарыыга, улууска культура үлэтигэр улахан кылаатын киллэрсибит улахан өҥөлөөх.

  2014с. Уус-Амма нэһилиэгин модельнай библиотекатыгар биир дойдулаахпыт, улууска бастакы  үрдүк  библиотечнай үөрэхтээх, улуустааҕы киин библиотекаҕа директорынан үлэлээбит Варвара Николаевна Чекурова аата иҥэриллибитэ.

Загрузка...

Слишком долго?

Перезагрузить документ

| Открыть в новой вкладке