1 Star2 Stars3 Stars4 Stars5 Stars (No Ratings Yet)
Загрузка...
278 views

История библиотеки

Ааҕар балаҕантан саҕалаан…


     Уус-Амма нэһилиэгэр бастакы ликбез 1926 сыллаахха аһыллыбыта. Охонооһойоп учуутал Чычымахтан атынан сылдьан үɵрэппитэ. Бастакы ликбез оскуоланы бүтэрбиттэр нэһилиэги, улууһу салайсыбыттара: Е.А. Таллаев райсовет солбуйар председателигэр тиийэ үлэлээбитэ, Д.Е. Васильев 17 сыл «Ыӊырыылаах» колхоз председателинэн, П.Ф. Прокопьев 9 сыл биригэдьииринэн, 12 Райфиӊӊа налоговай агенынан үлэлээбитэ.
     Нэһилиэккэ сырдыгы тарҕатар сирбит  Ааҕар балаҕан этэ. Ааҕар балаҕан бастакы сэбиэдиссэйинэн Лаврентий Романович Хоютанов этэ. 1937 сыллаахха Ытык-Күɵлтэн кɵһɵн киирбитэ. Икки сыл оскуолаҕа үлэлээбитэ. Онтон 1939 сылтан Ааҕар балаҕаны үлэлэтэн дьону сырдыкка угуйбута. Бэйэтэ балалайкаҕа оонньуура, бальнай үӊкүүнү үɵрэтэ сатаабыт. Аҕыйах кинигэ, хаһыат баар буолара. «Родина» диэн  радиоприемниктаах этилэр.
     50-с сыллар саҕаланыыларыгар маӊнайгы үɵрэхтээх библиотекарь Захарова Марфа Александровна кэлбитэ. Олус үлэһит, нэһилиэк  олоҕор быһаччы кыттар, активнай позициялаах кыыс этэ. Ыытыллар субботниктары тэрийсэр, ɵрүү ыччат ортотугар сылдьара.
     Табунанова Анна Яковлевна — 1958-1959сс. Чымынаайы библиотекатыгар үлэлээбитэ.1959с. Ытык – Күөлгэ оройуон библиотекатын ааҕар саалатыгар,  оҕо библиотекатыгар үлэлээбитэ. 1961с. Ытык-Күөл орто оскуолатын библиотекатыгар 27 сыл пенсияҕа тахсыар диэри  үлэлээбитэ. Үлэ ветерана.
     Чекурова Варвара Николаевна — 1959-1965с Уус-Амма нэһилиэгин библиотекатыгар үлэлии сылдьан Илин Сибиирдээҕи культура институтугар үөрэнэ киирбит. 1973-1986сс. Тааттатааҕы кииннэммит библиотечнай ситим директора, ССРС культуратын туйгуна.
     Кондакова Александра Павловна — 1956-1958сс  куоракка культурнай-сырдатар оскуолаҕа үөрэнэн  1958с Дьохсоҕон, Уус-Амма  нэһилиэктэригэр 10 сыл библиотекарынан үлэлээбитэ. Тыыл ветерана.
     Антоева Анастасия Петровна – 1971-2002с Чымынаайы библиотекатын сэбиэдиссэйинэн үлэлээбитэ. ССРС культуратын туйгуна, Уус-Амма нэһилиэгин бочуоттаах гражданина.
  Билюкина Анна Константиновна – 2002-2003сс Чымынаайы библиотекатын сэбиэдиссэйинэн үлэлээбитэ. 2015с Тааттатааҕы кииннэммит библиотечнай ситим директора, СР культуратын туйгуна.
     Белолюбская Евдокия Валерьевна – 2003с  библиотекарынан үлэлиир, СР культуратын туйгуна.