1 Star2 Stars3 Stars4 Stars5 Stars (No Ratings Yet)
Загрузка...
222 views

Муус устар 27 күнэ — Саха Республикатын күнэ

Автор: | 27.04.2023

   Биһиги норуоппут инники дьылҕатыгар 1922 сыл муус устар 27 күнүгэр ылыныллыбыт РСФСР састаабыгар Саха Автономнай Советскай Социалистическай Өрөспүүбүлүкэтин тэрийэр туһунан Декрет төрүт суолталаах. Бу Декрет ылыныллыыта өрөспүүбүлүкэ историятыгар, бэйэтин судаарыстыба быһыытынан билиниитин, ону сайыннарыытын, элбэх омук дьонноох норуота дьылҕатын бэйэтэ быһаарыныытын, олоҕун-дьаһаҕын төрүттэрин – экономикатын, социальнай эйгэтин, култууратын – сайыннарар суолун талыытын кытары сибээстээх тосту уларыйыылары киллэрбитэ.
Судаарыстыбаннаспыт олохтонуутугар, омукпут бэйэтин инники сайдыыны, кэскили түстүүр биир сомоҕо күүс быһыытынан билиниитигэр Сахабыт сирин патриоттара Былатыан Ойуунускай, Максим Аммосов, Исидор Барахов, Степан Аржаков уонна кинилэрдиин бииргэ саҥа олоҕу уһансыбыт бастыҥ дьоммут сүҥкэн кылааты киллэрбиттэрэ.
Ааспыт кэмнэргэ Саха сирин үгүс көлүөнэ дьонун дьүккүөрдээх үлэтин түмүгэр өрөспүүбүлүкэ социальнай-экономическай олоҕор биллэр-көстөр ситиһиилэр баар буолбуттара.      Бүгүҥҥү көлүөнэ биһиги иннинээҕи дьон хаалларбыт историческай, культурнай нэһилиэстибэлэрин, албан ааттаах ситиһиилэрин үксэтэр иэстээхпит.
Өрөспүүбүлүкэ күнэ биһигини бииргэ түмэр. Биһиги төрөөбүт төрүт сирбит-дойдубут сайдарын туһугар дьулуһуубут, өбүгэлэрбит ытык өйдөбүллэригэр бэриниилээх буолуубут өрөспүүбүлүкэбит бигэ туруктаах буолуутун уонна чэлгийэ сайдыытын мэктиэтинэн буоллун!

 

Добавить комментарий

Ваш адрес email не будет опубликован. Обязательные поля помечены *