1 Star2 Stars3 Stars4 Stars5 Stars (No Ratings Yet)
Загрузка...
243 views

Саха Өрөспүүбүлүкэтин Бастакы Президенэ Михаил Ефимович Николаев 85 сааһа

Автор: | 13.11.2022

   Бүгүн, сэтинньи 13 күнүгэр Саха Өрөспүүбүлүкэтин Бастакы Президенэ, Россия судаарыстыбатын биир биллэр политическай деятелэ Михаил Ефимович Николаев 85 сааһын бэлиэтиир.
   Михаил Ефимович Николаев Саха АССР Орджоникидзевскай оройуонун (Хаҥалас улууһа) Өктөм нэһилиэгэр сэтинньи 13 күнүгэр 1937 сыллаахха төрөөбүтэ.
   Николаев Михаил Ефимович 1961с. Омскайдааҕы судаарыстыбаннай ветеринарнай институту бүтэрэн, Эдьигээҥҥэ ветеринар бырааһынан үлэтин саҕалаабыта. Онтон Ыччат Бүтүн Сойуустааҕы Ленинскэй Коммунистическай Сойууһун улуустааҕы кэмитиэтин сэкирэтээринэн анаммыта. Салгыы Дьокуускайга комсомол кэмитиэтин бастакы сэкирэтээринэн, Миниистирдэр Сэбиэттэрин бэрэссэдээтэлин солбуйааччынан, тыа хаһаайыстыбатын миниистиринэн тахсыылаахтык үлэлээбитэ. 1989с. САССР Үрдүкү Сэбиэтин президиумун бэрэссэдээтэлинэн, онтон Үрдүкү Сэбиэт бэрэссэдээтэлинэн ананар. 1991с. М.Е.Николаев Саха Өрөспүүбүлүкэтин Бастакы Президенинэн талыллар. Михаил Ефимович Саха Өрөспүүбүлүкэтин 1991 сылтан 2002 сылга диэри сатабыллаахтык салайбыта. 2002-2010сс. Россия Федерациятын Федеральнай Мунньаҕын Федерация Сүбэтин бэрэссэдээтэлин солбуйааччытынан үлэлээбитэ. 2011-2016сс. РФ Судаарыстыбаннай Дууматын VI ыҥырыытын депутата. Саха Өрөспүүбүлүкэтин Судаарыстыбаннай сүбэһитэ.
   Михаил Ефимович Саха Өрөспүүбүлүкэтин сайдыытыгар сүҥкэн оруоллаах, саҥа суолга үктэниибитигэр бигэ тирэх буолбут сүдү киһи, саҥа Россия историятыгар Саха Өрөспүүбүлүкэтин суверенитетын уонна судаарыстыбаннаһын олохтооччунан биллэр уонна билиниллэр. Бастакы Президент Саха Сирин сайдыытыгар: үөрэҕириигэ, доруобуйа харыстабылыгар, төрүт култуураҕа, суол-иис сайдыытыгар, айылҕа харыстабылыгар киллэрбит үтүөтэ олус элбэх.

 

 

Добавить комментарий

Ваш адрес email не будет опубликован. Обязательные поля помечены *