1990 сыл балаҕан ыйын 27 күнүгэр Судаарыстыбаннай суверинитет туһунан Декларацияны ылыныы Саха сирин дьылҕатыгар дьоһуннаах событиенан буолбута. Экономиканы, промышленноһы, тыа хаһаайыстыбатын, науканы, культураны, үөрэхтээһини, доруобуйа харыстабылын саҥа таһымҥа таһаарарга, Саха сирин олохтоохторун инники көлүөнэлэрэ оҥорбуттарын харыстыырга, сайыннарарга кыаҕы биэрбитэ.
   Итини тэҥэ, Декларцияҕа Россия Федерациятын Конституцията баһылыыр-көһүлүүр оруоллааҕа ыйыллыбыта. Өрөспүүбүлүкэ олохтоохторо Россиялыын бииргэлэрин бигэргэппиттэрэ, биһиги Улуу Ийэ дойдубут биир кэлим, биир ньыгыл түмсүүлээх буоларын туһугар санааларын эппиттэрэ.