Ыам ыйын 19 күнүгэр Бүтүн Сойуустааҕы пионерскай хамсааһын тэриллибитэ 100 сылын туолла. Төһө да сыл аастын, араас көлүөнэ дьон пионер кэминээҕи горн,барабан тыаһын, аалай кыһыл хаалтыһы бааммыт оҕо саастарын үйэ-саас тухары умнуохтара суоҕа. Ийэ дойдуга бэриниилээх, төрөөбүт дойдубутугар туһалаах, үөрэхтээх дьон буолан тахсыахпыт диэн үөрүүлээх быһыыга-майгыга кэс тылы этэрбит. Кыһыл хаалтыспытын баанан, чиэс биэрэн суолталаах тэрээһиннэргэ кыттарбыт.
Библиотекаҕа ыам ыйын 24 күнүгэр старшай пионер баһаатайынан үлэлии сылдьыбыт Григорьева Антонина Тарасовна, Саввина Галина Моисеевна  Чымынаайы Г.Д.Бястинов-Бэс Дьарааһын аатынан орто оскуола 1-7 кылаас үөрэнээччилэригэр «Чымынаайы 8 кылаастаах оскуолатын Ю.А. Гагарин аатынан пионерскай дружина” араас сыллардааҕы пионерскай үлэтин туһунан үтүө өйдөбүлү оҕолорго кэпсээтилэр.