1 Star2 Stars3 Stars4 Stars5 Stars (No Ratings Yet)
Загрузка...
325 views

Ыам ыйын 22 күнэ — Сайылык күнэ

Автор: | 22.05.2022

Сайылык күнэ ‒ үйэлэри уҥуордаан илдьэ кэлбит саха омугун үгэһин үйэтитии, тыа сирин туруу үлэһит киһитин өрө тутар сыаллааах-соруктаах. Сахалар былыр-былыргыттан сайылыкка хороҕор муостааҕы көрөллөрө истэллэрэ. Сайылыкка көһүү дириҥ суолталаах, күүтүүлээх кэм буолар. Айсен Сергеевич Николаев 2018 сыл сэтинньи 6 күнүгэр Саха Өрөспүүбүлүкэтигэр ыам ыйын 22 күнүн Сайылык күнүн бэлиэтиир туһунан ыйааҕы таһаарбыта. Мындыр өбүгэлэрбит уһун, тымныы кыһын кэнниттэн, баччаларга сүөһүлэрин-астарын илдьэ кыстыктарыттан сайылыкка көһөн тахсан айылҕа биэрэр быйаҥын, күөх мэччирэҥи көдьүүстээхтик туһаналлара. Сайылыкка тахсыбыт күҥҥэ ыал барыта алаадьы буһарара, сааһыт аҕалаах ыаллар кус сииллэрэ, сири-дойдуну аһаталлара, оҕо-уруу этэҥҥэ сылдьарын, сүөһү-ас этэҥҥэ турарын, уйгуну-быйаҥы биэрэрин туһугар Үрдүкү Айыылартан көрдөһөллөрө.

Добавить комментарий

Ваш адрес email не будет опубликован. Обязательные поля помечены *